النكت من الجمل الطريفة التي يستخدمها الناس للترفيه عن أنفسهم وعن الأخرين، فهي أحد أكثر الطرق سهولة للناس لإخراج ما بداخلهم من هموم وأحزان، مما ساعد على انتشارها بشكل كبير.
- رجل دخل يحلق عند حلاق طلع أقرع فما السبب؟ كل ما الحلاق يقول له: كويس؟ يرد عليه السعودي: ما قصّرت.
- غبي رمى بهاتفه من النافذة، وعندما نزل وجده مكسور، قال غريبة جدًا مع أني مشغّل وضع الطيران.
- قام رجل بالشجار مع زوجته فقال لها أنا مللت من عشرتك، قالت مللت من عشرتي! لما لا تصرفها إلى خمستين.
أكثر نكته تضحك من القلب
- مرة حرامي راح يسرق بيت ست عجوزة، فضلت تسرح شعرها 3 ساعات وهو متخبئ في الدولاب ولما نامت ملقاش حاجة يسرقها راح ناكشلها شعرها ومشى.
- مرة مدرس صعيدي سألوه ليه كل طلابك بتقول الجيم دال، راح قالهم مش عارف ماهو ده اللي مدنني.
- مرة واحد اشترى تاكسي جديد، وكل ما الناس تشاور له تاكسي تاكسي يقول بعرف بعرف!!
- مرة واحد غبي ركب تاكسي وعشان السواق لا يشوفها من المراية راح مركبها جمبه.
- مرة واحد مجنون سألوه ليه بتاكل في معلقة ايديها طويلة كدة؟ قالهم عشان الدكتور قالي ابعد عن الأكل.
- منوفي فتح محل حلويات، عمل إعلان شغل مطلوب عاملين معاهم سكر.
- واحد شايل كيس سمك قابل مسطول، قاله: لو عرفت الكيس في ايه هديك سمكة منه…قاله: بحر.
- وحدة اشتكت للدكتور من جوزها قالت له: يا دكتور زوجي بيتكلم وهو نايم ايه الحل؟ قالها بسيطة أديله فرصة يتكلم وهو صاحي.
لا يفوتك أيضًا: احلى نكتة في العالم كله تموت من الضحك
أكثر نكته تضحك من القلب قصيرة
- اتنين أغبياء ماشيين في الطريق بيتخانقوا مين يمشي في النص.
- أغبياء على سفينة لقوا يافطة المنطقة مليئة بالقروش، نزلوا كلهم البحر.
- غبي شاف في الأتوبيس بنت حلوة، نزل أخد رقم الأتوبيس.
- واحد يسأل بنت اسمك ايه قالت له وعد، قالها سرك في بير.
- زوجة تسأل زوجها ليه عندك زوجة مثلي، قالها من ذنوبي.
- مرة واحد دخل السلك الدبلوماسي راح اتكهرب.
- مرة لقوا واحد قاعد في حفرة، ليه؟ كان محتاج يفكر بعمق.
- مرة واحد زعلان اتجوز واحدة مبسوطة خلفوا بنت سموها يا فرحة ما تمت.
لا يفوتك أيضًا: أشهر 10 نكت عن النمل والفيل مضحكة جدًا
نكت مضحكة مكتوبة
- مرة واحدة شرانية ومبتحبش الخير لحد وقعت قالت لنفسها أحسن.
- شخص راكب طائرة المضيفة قالت له تحب اجيبلك فطار كامل، قال لها الراكب ليه كامل مالوش نصيب يفطر!
- واحد راح لدكتور أسنان، فقال له: محتاج تركب تقويم، المريض سأله: هجري ولا ميلادي؟
- طفل متعصب من أمه وأبوه، لكن ليش، سألوه ليه؟ قالهم عشان ما عزمتوني على فرحكم.
- كلب ينبح لما لغاية ما جاله انهيار عصبي ليه؟، لأنه كان ينبح على واحد عنده مشكلة في السمع.
- معلمة رياضة اتكسرت في حادثة، لما فاقت سألتهم: عندي ايه؟ قالو لها: كسور، قالت: طب ما توحدوا المقامات
- لو وقفت في نص الشارع وقلت يا حمار بصوت عالي هتلاقي الشارع كله بص، مفيش أحلى من الثقة في النفس.
لا يفوتك أيضًا: أحلي 9 نكت للاطفال مضحكة جدا قصيرة مكتوبة
أكثر نكته تضحك من القلب مصرية
- مرة واحدة اتريقت على كرش واحد، قالها ما انتِ نافخة خدودك وشفايفك، جات على الكرش يعني.
- نملة بتعوم كل يوم، لما سألوها ايه السبب، قالت لهم: عايزة أبقى بيضة.
- مرة واحد لقى صاحبه زعلان سأله مالك، فقال: حياتي فارغة، رد عليه: طب ما أنا كمان حياتي ديك.
- مرة واحد كان هينتحر من الدور السادس، لقى البيت 3 أدوار بس راح نط مرتين.
- واحدة ماشية على الجي بي إس.. لما قال انحرفي قليلًا، راحت قالعة الحجاب !
الفكاهة من أهم الأسباب التي تجعل الناس يخرجون من همومهم ولو لبضع لحظات، لهذا يجب علينا بين الحين والأخر التمسك بروح الفكاهة وإلقاء النكات على الأخرين لبث روح المرح والسرور.
